天生我獨行

經過幾日的關西之旅, 今年明顯地枯葉多紅葉少, 可能是因為雨水不足, 天氣未夠凍, 簡單講就係天氣大轉變.
係無咩紅葉的情況下, 唯有轉攻目標--甜品~!

出發前比"黃金傳說"其中一集的京都頭30位甜品燒到, 所以一於去"TAKE 個 LOOK".

今次介紹係第19位, 嵐山豆腐雪糕. (全30位名單 : http://www.tv-asahi.co.jp/densetsu/contents/intro_list/0042/)

嵐山的豆腐雪糕非常出名, 不過去到嵐山四周圍都係豆腐雪糕, 之前我來嵐山已經食了幾次, 雖然好食, 不過和其他地方的豆腐雪糕分別不大,原因係~~~一路都食錯了!!!!

原來多人話好食的嵐山豆腐雪糕是這一間 - 新八茶屋. 位於渡月橋對面, 機本上一出橋就已經見到.

再來看看有什麼雪糕, 和別的地方最不同的是, 他的雪糕是用"筆"的, 別人的豆腐雪糕是"唧"的軟雪糕.

你可以選擇用筒或杯, 我今次用筒, 不過後來有些後悔.

比錢後當然是收貨, 店內有位你坐, 可以慢慢食, 這雪糕第二個特點是, 你可以加豉油, 對呀, 是豉油, 正如豆腐加豉油食, 所以豆腐味的雪糕一樣可能加豉油.

旁邊放著寫上豆腐雪糕專用豉油. 加上去, 再食~~~絕對不錯吃!!!(當然你可以不加)

正因為過個豉油所以用筒來食會有點兒狼狽(你看我手上拿著紙巾, 最後還是流到一地都是豉油), 如用杯就沒有這個問題了.

食完這個豆腐雪糕後,對豆腐雪糕的排名要重新定位.

第一位 :嵐山新八茶屋
第二位 :吉野山上千本的一間無名甜品店

日本其他地方的豆腐雪糕的水準都很高, 不過這兩間是我印象特別深刻.

資料:

網址 : http://www.sinpachi.com/

地址: 嵐山渡月橋東北角, 京都市右京区嵯峨天龍寺造路町37-17

地圖:

價錢: 一個雪糕 320 日元 (一般日本雪糕 250-350日元)

評價: 有機會一定要一試, 味道一流很特別.